جدید پنجابی شاعری
سوہنے رب دا روپ نیں ماواں
دھیاں رحمت والیاں چھاواں
بہناں شرم حیا دیاں تھاواں
بیوی سکھاں دا پرچھاواں
ایہہ مقدس رشتے سارے
سوہنے رب دیاں خاص عطاواں
سوہنیا ربا! رکھ ایناں توں
بے شرمی دیاں دور بلاواں
ایناں دے دل روشن کر دے
رہین ایناں دیاں پاک نگاہواں
اوہ وی ٹر پین سدھے رستے
ملیاں جناں نیں پٹھیاں راہواں
رو رو عرضاں کردا طارق
مولا کر منظور دعاواں
ماسڑ طارق محمود انجم
No comments:
Post a Comment
Note: only a member of this blog may post a comment.