جدید پنجابی نعتیہ شاعری
لوکی کیہندے نیں تیراؐ پرچھاواں نئیں
میں کہنا سارے جگ تے تیراؐ سایہ اے
ہن نہ رحمت توں کوئی وانجیا ہووے گا
کملی والاﷺ رحمت بنڑ کے آیا اے
میریاں مشکلاں کجھ وی مشکل لگدیاں نئیں
میرے تے سوہنےؐ نے کرم کمایا اے
تیراﷺ آسرا مینوں لِفن نئیں دیندا
تیرےؐ کرم نے میرا مان ودھایا اے
تھاں تھاں بدل رحمتاں والے چھائے نیں
ہر تھاں اوہدےﷺ عاشقاں میلہ لایا اے
کوئی سہارا جگ تے نئیں تیرے در باہجوں
ساحر تاں سوالی بنڑ کے آیا اے
ساحر سلہری
No comments:
Post a Comment
Note: only a member of this blog may post a comment.