جدید پنجابی شاعری
ماں
دُکھاں دے ورولیاں چ سُکھاں والی تھاں سی
جیہدیاں دُعاواں وچ رہندا میرا ناں سی
اوہ تے میری ماں سی اوہ تے میری ماں سی
چنگا ماڑا ہر ویلے مینوں سی اوہ دسدی
خُش مینوں ویکھدی تے رہندی سی اوہ ہسدی
جھولی وچ اوہدی میری دنیا سی وسدی
قہر دیاں دُھپاں وچ نِگھی گُوڑھی چھاں سی
اوہ تے میری ماں سی اوہ تے میری ماں سی
چیتے آوے اک اک گل اوہدے پیار دی
تھکدی اوہ نہیں سی میرے صدقے اتاردی
سُرمہ سی پاؤندی نالے بودہ سی سنواردی
تکدی سی جد مینوں ٹھر جاندا ہاں سی
اوہ تے میری ماں سی اوہ تے میری ماں سی
چُمدی سی متھا جد سینے مینوں لاندی سی
چن چن کہندی سی تے واری واری جاندی سی
کسے نہیں لڈائے جیویں لاڈ لڈاندی سی
نذیر نُوں جے کَنڈا چُبھے مر جاندی تھاں سی
اوہ تے میری ماں سی اوہ تے میری ماں سی
نذیر عباس
No comments:
Post a Comment
Note: only a member of this blog may post a comment.