حق ہے تے حق دے سفیر نال کھڑے ہیں

 جدید پنجابی سرائیکی شاعری

حق ہے تے حق دے سفیر نال کھڑے ہیں

قیدو آلے پاڑے دے ہیں ہیر نال کھڑے ہیں

بادشاہ کوں آکھ ساکوں ملنی تاں ایتھ آ

نکے لا دا بیلی ہے بشیر نال کھڑے ہیں

وٹ ہیسے ڈیوے دی تے اکھ ہے آسمان تے

ذات دی ہیں کرڑی شہتیر نال کھڑے ہیں

ڈیکھ ساڈے سکے ایویں ساڈے نال کھڑے ہن

اساں لوک جیویں کشمیر نال کھڑے ہیں

توں ساڈے حوصلے کوں اٹھی تے سلام کر

کوفیاں دے بال ہیں شبیرؑ نال کھڑے ہیں

کھل تے مذاق ہے نہ حال تے حوال سئیں

توں ہیں یا تیڈی تصویر نال کھڑے ہیں؟

عرصے توں ستا ہویا بھاگ ساڈا جاگ پئے

اج اساں بختے فقیر نال کھڑے ہیں

عشق بے پیر ہے تے اساں وی بے پیر ہیں

بے پیرے بندے ہیں بے پیر نال کھڑے ہیں

کون کہیں قیدی نال کھڑدا ہے شازم آ

اساں جیویں دل ایں اسیر نال کھڑے ہیں

فیض احمد شازم