جدید پنجابی شاعری
ہور کسے دا ہو کے میرے ول نا آویں
ایہہ حلالہ پیار اچ میتھوں نئیوں ہونا
میں جتھے نیوں لایا اے پچھے میں نئیں ہٹنا
وادھا گھاٹا پیار اچ میتھوں نئیوں ہونا
تیرے پیار اچ کوئی شریک نئیں وارے مینوں
ایہہ بٹوارا پیار اچ میتھوں نئیوں ہونا
توں مینوں پورے دا پورا چاہیدا ایں
انج گزارا پیار اچ میتھوں نئیوں ہونا
پیار ترا توں سمجھ لویں ایمان اے میرا
پٹھا کارا پیار اچ میتھوں نئیوں ہونا
نانہہ کیتی تے پھر ساحر نیں نئیوں بچنا
انکار کوارا پیار اچ میتھوں نئیوں ہونا
ساحر سلہری
No comments:
Post a Comment
Note: only a member of this blog may post a comment.