جدید پنجابی شاعری
جھلی تے شدین تینوں
بے شک لوکی کہن تینوں
توں بس ہسیا کھیڈیا کر
جچدے نہیں ایہ وین تینوں
محفل وچ وی لبھن سجنا
میرے بھکھے نین تینوں
شالا رہویں جوان توں سجنا
دکھ نہ پلے پین تینوں
شین کاف سی حالاں باقی
کھا گئی عشق دی عین تینوں
اکھاں کیتیاں چار تے فر ہی
بھلیا اے سکھ چین تینوں
کرنا ایں توں سچی رومی
کیویں لوکی سہن تینوں
رومی بیگ مرزا گجراتی
No comments:
Post a Comment
Note: only a member of this blog may post a comment.