جدید پنجابی شاعری
بیٹھا واں اج قصہ کھول پنجابی دا
چنگا لگدا اک اک بول پنجابی دا
رہ جاندے دا موہڈا ہِلدا ویکھ کدی
جد وی بیبا وجدا ڈھول پنجابی دا
بے شرماں نُوں شرم ناں آوے گل کردے
کھا کے کنکاں، گُڑ تے چول پنجابی دا
گَڈ دے پَٹھے سِر تے چّکن والا اے
پُتر ہُندا کد وے سول پنجابی دا
سو واری میں شُکر دا کلمہ پڑھیا اے
میرے گھر وِچ ہے ماحول پنجابی دا
بُلہا، وارث، شاہ حسین تے نانک جی
ودھ توں ودھ نیں ورقہ پھول پنجابی دا
ماں دی بولی ماواں وانگوں لگدی اے
کر چھڈیا اے پورا تول پنجابی دا
محمد رضا نقشبندی
No comments:
Post a Comment
Note: only a member of this blog may post a comment.