جدید پنجابی شاعری
اینے کو رنگ لا نی مائے دھرتیے
پورے ہوون چاء نی مائے دھرتیے
ہسدے وسدے چیتر سُولی چڑھ گئے نیں
رنڈی ہو گئی واء نی مائے دھرتیے
اینے وی نہ گھر اُجاڑن چڑیاں دے
پُتراں نوں سمجھا نی مائے دھرتیے
بُرکی بُرکی کر کے ساڈے جیون نوں
لوڑاں گئیاں کھا نی مائے دھرتیے
ساڈی کڑمی بُھکھ نے قسمے تینوں وی
دِتا گہنے پا نی مائے دھرتیے
توں ای تتڑی ماں ایں سبھے ماواں دی
تینوں سارے تا نی مائے دھرتیے
کسے دے گُھٹ بھریاں فرق نہیں سندھو نوں
سندھو اے دریا نی مائے دھرتیے
ارشاد سندھو
No comments:
Post a Comment
Note: only a member of this blog may post a comment.