جدید پنجابی شاعری
مینوں بھورا شک نئیں ہویا
اوس دے لُٹن تک نئیں ہویا
مُنہ دے بھار ساں ڈِگیا میں
مُڑ کے سِدھا لک نئیں ہویا
ککھ نئیں بچیا میرے پلّے
تینوں ہالے پک نئیں ہویا
مینوں تے اوہ مندا بولے
ایناں وی بے جھک نئیں ہویا
وڈا ڈیرے دار تاں ویکھو
ہِک پروہناں رکھ نئیں ہویا
جاون لگیاں بانہہ پھڑ لئی سُوں
میتھوں ہتھ جھٹک نئیں ہویا
پھلاں دا اک باغ سی جِتھے
جمیاں ساغر اک نئیں ہویا
ساغر ہاشمی
No comments:
Post a Comment
Note: only a member of this blog may post a comment.