جدید پنجابی شاعری
ساڈی دنیاداری ویکھو
دنیا دی فنکاری ویکھو
ساڈی ساری پُونجی ڈُبی
ساڈی قسمت ہاری ویکھو
دل دی دولت لُٹ لے جاون
لوکاں دی ہُشیاری ویکھو
سانجھے نیں سب رستے منزل
جانا وارو واری ویکھو
دنیا دی نیرنگی یارو
گُھم کے دنیا ساری ویکھو
اک دن بھانبڑ بن جانا اے
نفرت دی چنگاری ویکھو
بھُل جاؤ سب نفرت، کِینے
یاراں دی ہُن یاری ویکھو
غلام شبیر وفا
No comments:
Post a Comment
Note: only a member of this blog may post a comment.