جدید پنجابی شاعری
دُور اے بھانویں دُوری نہیں
مِلنا بہت ضروری نہیں
جس دی مہک چ ڈُب جاواں
لبھدی اوہ کستُوری نہیں
اَدّھو رانی رہ گئی آں
گل سُنی اُس پوری نہیں
دُکھ سُکھ لکھدی رہنی آں
چاہندی میں مشہوری نہیں
مُل مِلے جے محنت دا
قلم جہی مزدوری نہیں
اوہدے در تے عشق بِناں
مِلدی کدے حضوری نہیں
بیاء اوتھے پُج گئی آں
جِتھے کوئی مجبوری نہیں
بیاء جی
نغمانہ خورشید
No comments:
Post a Comment
Note: only a member of this blog may post a comment.