جدید پنجابی شاعری
دُکھاں بھریا دل پیمانہ چھڈ پرے
کی ایہہ ہستی دا میخانہ چھڈ پرے
چل مُڑ چلیے ایس سفر توں کی لینا
ویرانے اگے ویرانہ چھڈ پرے
دے کے جان وی چھٹ جائیے تاں چنگا ہے
بھر دے جیون دا جرمانہ چھڈ پرے
پنچھی دا دل کنبے تیرے ہتھ کنبن
تیتھوں لگنا نہیں نشانہ چھڈ پرے
بُڈھیاں گھاگاں نال سوال جواب نہ کر
کھا پی لے کجھ روز جوانا چھڈ پرے
ڈھکی رہن دے ساڈے نال حساب نہ کر
پچھتاویں گا بے ایمانہ چھڈ پرے
سوچیں گاں تاں شکر وہ ہو جائے گی
کی اپنا تے کی بیگانا چھڈ پرے
تیتھوں نئیں اٹھنے ایہہ اکھر ہنجُواں دے
رہن دے تُوں وڈیا دیوانہ چھڈ پرے
سرجیت پاتر
No comments:
Post a Comment
Note: only a member of this blog may post a comment.