جدید پنجابی شاعری
تیرے کولوں وکھ نئیں ہونا
میں گلیاں دا ککھ نئیں ہونا
جیہڑا زہر میں رج کے پیتا
تیرے کولوں چکھ نئیں ہونا
اوہدے ولوں کنڈ کر لئی پر
ایہہ روزہ وی رکھ نئیں ہونا
رات ہنیری سِر تے آونی
شاماں ورگا پکھ نئیں ہونا
جس دن اندروں مر جاواں گا
فیر اندر دی اکھ نئیں ہونا
کیتی گل تے پہرا دینا ایں
اشرف لکھوں ککھ نئیں ہونا
اشرف یوسفی
No comments:
Post a Comment
Note: only a member of this blog may post a comment.