جدید پنجابی شاعری
اسیں بُھکھے بھانے لوک سی
ساہنوں دولت لبھی
فیر نوٹاں دے اک ڈھیر وِچ
اساں غیرت دبی
ساڈی پگ دے تھلے آن کے
کئی کمی موئے
ساڈے چالے جد وی ویکھدی
ایہہ دھرتی روئے
اسیں کدی کسے مزدور دا
نہیں درد ونڈایا
اساں کُرسی اُتے بیٹھ کے
بس رولا پایا
اساں کُچھڑ چُک ثقافتاں
رج بھنگڑے پائے
فیر کلچر کلچر کھیڈدے
تیری نگری آئے
اِنج اپنا آپ پچھانیا
اسیں بُھل گئے دُوجا
ایس مایا دے بھگوان دی
اساں کیتی پُوجا
خلقت ترہائی ویکھ کے
اساں کِیتا ہائے
فیر وِہسکی پِیتی رج کے
کُجھ سُوٹے لائے
حکیم احمد نعیم ارشد
No comments:
Post a Comment
Note: only a member of this blog may post a comment.