جدید پنجابی شاعری
ہِجر دیاں راتیں ہوون برسات دا موسم ہووے
دوستی دے زخم ہوون دشمنی مرہم ہووے
ہر زمانے دِیاں جو ہن محفوظ تصویراں تیڈیاں
دل میڈا جینویں تیڈیں یادیں دا کوئی البم ہووے
اینجھی حسرت نال ہن وِسمیاں سُوائیں نہ پھلور
توں وی چہندیں دِل دی میّت تے ولا ماتم ہووے
چندر جیہاں چہرہ متھے تے تلک ہے تارے جیہاں
سَاوا بوچھن ہے جینویں کہیں دیس دا پرچم ہووے
آئی رُت سانون دی وت پپلیں دی چھت تِرمن لگی
مینہ وُٹھا کِن مِن جینویں پازیب دی چھم چھم ہووے
او خوشی دا کرب ہووے یا جشن کہیں مُونجھ دَا
وقت کوں ضد ہے جو ہر پیلی دا اپنا غم ہووے
جھِنڑک ڈے پُچھئیس کہیں بیٹھا ہیں کیوں روکن دے بعد
کینجھی حسرت نال آکھئیس سئیں متاں کوئی ہووے
عزیز شاہد
No comments:
Post a Comment
Note: only a member of this blog may post a comment.