جدید پنجابی شاعری
مینوں یار سوال نہ پُچھ
کِنج ہویا ایہہ حال نہ پچھ
کیہڑے راہ تے ٹُُریا ساں میں
کون سی میرے نال نہ پچھ
کیوں نہیں مینوں رستہ لبھیا
پے گیا کیہڑا کال نہ پچھ
کون سی ادھ وِچ چھڈن والا
کس نے توڑی تال نہ پچھ
کس نے ویکھ کے مُکھ پرتایا
کس نے دِتا ٹال نہ پچھ
کیہڑا چوراں نال سی رلیا
کس نے لُٹیا مال نہ پچھ
کِتھے اکھاں بدلی ہوئیاں
کِتھے بدلی چال نہ پچھ
کس نے سانُوں گلاں لا کے
اُتے سُٹیا جال نہ پچھ
تِیراں نُوں کس ٹوٹے کِیتا
کِس نے کِھچی ڈھال نہ پچھ
کِنے ساہ نیں ہتھ وِچ رہ گئے
کِنے بِیتے سال نہ پچھ
فہیم اسلم
No comments:
Post a Comment
Note: only a member of this blog may post a comment.