جدید پنجابی شاعری
مزدور دا گیت
ماہی میرا کالے رنگ دا
ویہڑے وڑدا تے چن چڑھ جاندا
جگ دی بھلائی واسطے
بیہیاں روٹیاں مرچ نال کھاندا
کلّا اوہ کماؤ گھر چوں
چون جیاں دی کھچے ہرناڑی
لون تیل چاہ نہ چُکے
اوہدی چار پنج دمڑے دیہاڑی
جاکاں نوں پڑھون بدلے
گھاہ کھوت کے دہاڑی جاندا
ماہی میرا کالے رنگ دا
کنکاں دے جھاڑ ودھ گئے
اُتوں ودھ ودھ گئی مہنگائی
اوکھا ہویا ڈِھڈّ تورنا
دَسو کِتھوں میں بھرا دیاں رجائی
اُتے لے کے سوندا چادری
ہیٹھاں بوریاں دے تپڑ وچھاندا
ماہی میرا کالے رنگ دا
جدوں میں ویاہی آئی سی
دو ہزار دا سی ڈھول پتھیرا
راج سی فرنگیاں دا
کدے مُکا نہیں سی گھر چوں لویرا
دونہ موہرے گارا سٹ کے
گھانی پٹ کے اِٹاں سی لاندا
ماہی میرا کالے رنگ دا
مینوں کہندا میرے ہُندیاں
نی تُوں کیوں تکلیف اُٹھاویں
ہس ہس روز دَسدا
گلاں بیٹھ تاریاں دی چھاویں
آ جانا راج اپنا
سانوں عالم اعلان سُناندا
ماہی میرا کالے رنگ دا
گرداس رام عالم
No comments:
Post a Comment
Note: only a member of this blog may post a comment.