جدید پنجابی شاعری
بد ذاتاں چوں نِکلاں گے تے جِیواں گے
ہُن راتاں چوں نِکلاں گے تے جیواں گے
کُجھ باتاں نُوں سمجھاں گے تے جیواں گے
کُجھ باتاں چوں نِکلاں گے تے جیواں گے
جِگرا کر کے ہسدے ہسدے اکھ دِیاں
برساتاں چوں نِکلاں گے تے جیواں گے
اپنی وار لئی لگیاں ہوئیاں صدیاں توں
جے پاتاں چوں نِکلاں گے تے جیواں گے
اگوں پِچھوں مُڑ مُڑ پِنّیاں عیداں تے
شبراتاں چوں نِکلاں گے تے جیواں گے
انھ پُنیاں وچ جو سن ساڈے ناں لگیاں
سوغاتاں چوں نِکلاں گے تے جیواں گے
کئی سنھاں نُوں سندھو پُورن مگروں وی
کئی گھاتاں چوں نِکلاں گے تے جیواں گے
ارشاد سندھو
No comments:
Post a Comment
Note: only a member of this blog may post a comment.