جدید پنجابی شاعری
چُپ دا پتھر جِیبھ تے رکھیا ہوئیا اے
اوہنے مِلن نصیب تے رکھیا ہوئیا اے
سچ تے اج وی سُولی اُتے ٹنگیا اے
یا فِر ویکھ صلیب تے رکھیا ہوئیا اے
پک وی اے جُو دیندائے پُڑیاں زہر دیاں
فِر وی مان طبیب تے رکھیا ہوئیا اے
گل گل اُتے پُجدے مُکر جاندے نیں
گل دا بھرم غریب تے رکھیا ہوئیا اے
وستی فِر کیوں فِرقو فِرقی ہوئی جے؟
مسجد وِچ خطیب تے رکھیا ہوئیا اے
کاغذ اُتے شعر نئیں لِیکے رب دی سونہہ
زخماں نُوں ترتیب تے رکھیا ہوئیا اے
چھڈ نئیں سکدے مجبوری تاں ویکھ فدا
ہے وی یار عجیب، تے رکھیا ہوئیا اے
سید فدا بخاری
No comments:
Post a Comment
Note: only a member of this blog may post a comment.