جدید پنجابی شاعری
بے رُخیاں دے تیر نی مائے
گئے کلیجہ چِیر نی مائے
اوہدے دل تے ڈِگدے نہیں پئے
میری اکھ دے نِیر نی مائے
اوہدے پیر دی مِٹی چُمنا
من دی ہے تطہیر نی مائے
میرے نال بلیندی نہیں پئی
سوہنے دی تصویر نی مائے
کنڈیاں اُتے ٹنگی گئی اے
پُھلاں دی تقدیر نی مائے
اوہدا روسا کھا جاوے گا
اکھاں دی تنویر نی مائے
ذات تے لگے زخماں والی
کنج کراں تشہیر نی مائے
اکھاں کولوں پُچھدا پِھرنا
خاباں دی تعبیر نی مائے
خاب ءچ گِلی پُونی بلدی
کیہ ہوسی تعبیر نی مائے؟
رُسیا یار مناون والی
دس چا کوئی تدبیر نی مائے
یار دے قدماں دے وچ رکھاں
انکھاں جہی توقیر نی مائے
اوہدی چُنی سدا سلامت
میرا شملہ لیر نی مائے
علی احمد گجراتی
No comments:
Post a Comment
Note: only a member of this blog may post a comment.