جدید پنجابی شاعری
جندے نی! سانوں رون
دِلاں دے ویہڑے
اندر جھاتی پین نہ دِتی
ایہجئے کوڑ سہیڑے
جندے نی! سانوں رون
دِلاں دے ویہڑے
چِٹے ککر کورے ہو گئے
نِگھے نیڑ تریڑے
جندے نی! سانوں رون
دِلاں دے ویہڑے
کیدو جوگی بن بن بیہہ گئے
رانجھن بن گئے کھیڑے
جندے نی! سانوں رون
دِلاں دے ویہڑے
کتھوں کوئی کستوری ہُلے
نت ہوا پئی چھیڑے
جندے نی! سانوں رون
دِلاں دے ویہڑے
لوبھ دیاں کوئی کانگاں چڑھیاں
اکھ دے رُڑھ گئے بیڑے
جندے نی! سانوں رون
دِلاں دے ویہڑے
ہف گئے کاشی کعبے مکے
مار مار کے گیڑے
جندے نی! سانوں رون
دِلاں دے ویہڑے
رانجھن ماہی ور نہ لدھا
کھیڑے ساک سہیڑے
جندے نی! سانوں رون
دِلاں دے ویہڑے
صفدر ڈوگر
No comments:
Post a Comment
Note: only a member of this blog may post a comment.