جدید پنجابی شاعری
میں، ماں آپنی دا چن
میں کال کلہوٹھا جمیا
میں، ماں آپنی دا چن
میں کھیڈاں کھیڈیئاں کالِیاں
ایس چانن بھرے جہان وِچ
کالے قولاں دا وِرد ہر دم
میرے ذہن، تے کالی زبان دے وِچ
تے میری کالی کوہجی بُکل دے وچ
سبھ کالے شاہ کرتُوت
ہُن چِٹا دِن حیاتی مُکیا
آج دِس پئی کالی رات
تینُوں واسطہ جنتاں دیا مالکا
اک اوس جنت دے اسمان تے
مینُوں چن بنا کے ٹنگ دیویں
جِس جنت میری ماں
کہ میں ماں آپنی دا چن
شہزاد احمد اعوان
No comments:
Post a Comment
Note: only a member of this blog may post a comment.