جدید پنجابی شاعری
بہہ کے مُنصف کنڈے تے
کانی ونڈ جے ونڈے تے
کاہدا ہوندا سجن اوہ
ہو کے سجن بھنڈے تے
ہُن کیوں اتھرو سُٹے نیں
میرے جُسے ٹھنڈے تے
میں تے نال ہنڈاؤنا واں
نال حیاتی ہنڈے تے
پُھل تے وِنھیاں ای جانا
آپے رکھیا کنڈے تے
پھٹ نروئی جاندے ہو
اکھاں نال اوہ گنڈھے تے
پُورا چن اُلیک لیا
دل دے نازک جھنڈے تے
آوے سِلھی سِلھی وا
جے اوہ زُلفاں چھنڈے تے
اوہ روندا اے پرلے پار
ارشد اُرلے کنڈے تے
ارشد منظور
No comments:
Post a Comment
Note: only a member of this blog may post a comment.