جدید پنجابی شاعری
یاراں دی رکھوالی کرنی پیندی اے
سپّاں دی رکھوالی کرنی پیندی اے
رُکھ وی بھائیا پُتراں ورگے ہوندے نیں
پُتراں دی رکھوالی کرنی پیندی اے
ویہڑے وچ جے چُوری کُٹی ہووے تے
کاواں دی رکھوالی کرنی پیندی اے
یار دے ہتھوں اڑئیے ونگاں پائیے تے
ونگاں دی رکھوالی کرنی پیندی اے
وٹیاں کولوں ڈر کے بیر نہیں پٹی دی
بیراں دی رکھوالی کرنی پیندی اے
خاب جے پورے کرنے ہون تے جاگی دا
خاباں دی رکھوالی کرنی پیندی اے
جےکر لگدے ہتھیں ٹورے ہوون زین
قبراں دی رکھوالی کرنی پیندی اے
زین جٹ
No comments:
Post a Comment
Note: only a member of this blog may post a comment.