جدید پنجابی شاعری
ویلا سی او یار جی! سخر دوپہراں والا
اُتوں رَج کے وَرھیا بدّل قہراں والا
پنج دریاواں وچ جے پانی ہی نہیں بچیا
فیر پنجاب کیہ کرنا سُکیاں نہراں والا
اک دمُونہی سپنی نے گل پیار دی کیتی
اک اک مٹھا بول سی اوہدا زہراں والا
مینوں میرے پنڈ دی مٹی وچ ای دبنا
آکھ رہیا سی کل اک بندہ شہراں والا
سُنج مسُنیاں راہواں تے اک کملا سورج
سایہ لبھدا پھِردا سی اَٹھ پہراں والا
موجو موجی موجاں مانیاں شاماں تیکر
لہرو لہری لہہ گیا اک دن لہراں والا
یار کلیم غزل دے دیوے بال گیا اے
شام وی لکھدائے شعر ہُن اوکھیاں بحراں والا
حضرت شام
مصعب رفیق
No comments:
Post a Comment
Note: only a member of this blog may post a comment.