کلاسیکی پنجابی سرائیکی شاعری
سانول مِٹھل وَل مُکھڑا چُھپایا
ڈُکھڑیں ڈُکھایا دردیں ستایا
تانگھیں تپایا، مُونجھیں مُنجھایا
سُولیں ستایا، نِیڑے ہرایا
آتن نہ بھاواں سینگیں رُوایا
دُھوتیں دا ویڑھا، ڈھولن پرایا
سُنجڑی سسّی کُوں روہیں رُلایا
ہے ہے پُنل ول پھیرا نہ پایا
پوریں پرانیں دِلڑی پرائیں سُکھڑا ونجایا
خُوشیاں وِہانیاں سانول سِدھایا
گل گیا فریدا! جوبن اجایا
خواجہ غلام فرید
No comments:
Post a Comment
Note: only a member of this blog may post a comment.