پنجابی سرائیکی شاعری
ہِک واری تاں پاگل بن تے اینجھا حال کریسوں
وال کھنڈیسوں بھونڈن وانگوں اکھیں لال کریسوں
لوکیں چندر کوں ڈیکھن کیتے کیا کیا حربے کیتے
اساں چندر کوں ڈیکھن کیتے ویڈیو کال کریسوں
ہک ڈینہ زہر اگلنا پوسے تیڈے کرتوتیں دا
کے تئیں اساں تیڈے بارے سوہنی گالھ کریسوں
لنگھدئیں ٹپدئیں بس توں بوچھن منہ اچ پا شرماویں
ساکوں ڈھاندا کوئی نا ڈیکھے اے وی خیال کریسوں
ہر ہک گالھ منن وی ساکوں ڈھیر خراب کیتا ہس
ہن تیڈی ہر ڈوجھی گالھ تے ٹال مٹال کریسوں
اللہ جانے اللہ کتھاں رہندے کیویں ہوسے
اللہ بارے اللہ والے نال سوال کریسوں
مبشر رحمان حاذق
No comments:
Post a Comment
Note: only a member of this blog may post a comment.