جدید پنجابی شاعری
سجن میرے ویہڑے وڑیا راتی
اچن چیتی سورج چڑھیا راتی
ہن اوہ مینوں یاد زبانی سارا
اوہنوں الفوں یے تائیں پڑھیا راتی
دن چڑھیا تے ہر شئے ہو گئی کولا
دِیوے تے ہک تیلا سڑیا راتی
اکھیں، دل چیتا تے درد وچھوڑا
سِر توں پیراں تیکر سڑیا راتی
اوہدی یاد دی خوشبو ہوکا بھریا
انج لگدا سی چیتر چڑھیا راتی
میرا ہتھ وی میرے ہتھ نئیں آوندا
اوہنے میرا ہتھ کی پھڑیا راتی
نصیر بلوچ
No comments:
Post a Comment
Note: only a member of this blog may post a comment.