سبھ تو ودھ کے اسی جے اوہنوں پیارے نئیں
فیر ایہہ سودا سجناں ساڈے وارے نئیں
کیہڑا دم اے جدوں اوھ چیتے نئیں آؤندا
کیہڑی رُت وِچ سفنے چڑھدے کھارے نئیں
اکھاں والی کھیڈ اِچ ایہو وادھا اے
سبھ کُج ہار کے لگدا اے کُج وی ہارے نئیں
جیہڑے راہ وکھاندے راہ بھلاؤندے نیں
ساڈی راہ وچ آؤنے، انج دے تارے نئیں
ساڈے اگے پِچھے کُھلا امبر اے
اسی اوہ پنچھی جیہڑے اپنی ڈارے نئیں
دل دا کیہ، ایہہ تاں ایہو آکھے گا
تنہاؔ اوہدے لارے لپے لارے نئیں
میر تنہا یوسفی
