ہاسے اندر ہوکا پا کے دِتا سی
غم وی اوہنے بھیس وٹا کے دِتا سی
چڑھیا سورج لے گیا رنگ محبت دا
برفاں اُتے رنگ جما کے دتا سی
تُوں ہنجواں دی پوڑھی چڑھدا جانا ایں
ہنجواں دے وِچ دل لُکا کے دِتا سی
ویکھو اونہوں تیر چلان دی فرصت نئیں
ہتھیں اونہوں تیر بنا کے دِتا سی
اوکھیاں گلاں کرنا تاباںؔ سوکھا نئیں
لہو دا دِیوا، شعر بنا کے دِتا سی
عبدالقادر تاباں
No comments:
Post a Comment
Note: only a member of this blog may post a comment.