انج سدھراں دے والی وی کر لیندے نے
سانجھی عید دیوالی وی کر لیندے نے
مالا پھڑ کے عمر گوائی، کی ملیا؟
یاد خدا نوں، پالی وی کر لیندے نے
میرے تکن تے کیوں چہرہ اتر گیا
چُنجاں نیڑے چُنجاں کر کے لوڑ سمیں
پنچھی، نیک خیالی وی کر لیندے نے
قدم ملا کے تُردے نے جو، پچھن تے
اپنی تور، نرالی وی کر لیندے نے
اثر نہیں ایہہ اس تے میرے تکن دا
مکھ تے یار، گلالی وی کر لیندے نے
نال کھڑے جو ہسدے نے، تر جاون تے
اکھ نوں اتھرو والی وی کر لیندے نے
دل دا سودا کرنوں پہلاں پرکھ لوِیں
لوک محبت جعلی وی کر لیندے نے
غزل کہن نوں پنگل سکھنا پیندے نور
تک بندی تاں ہالی وی کر لیندے نے
نور کپور تھلوی
نور محمد نور
