پنجابی لوک گیت
ماہی گھر آیا راتاں ہور دیاں ہور نی
ماہی میرا چند تے میں بن گئی چکور نی
کِڈی سوہنی لگے سانوں تاریاں دی لو نی
گت وچ میں جدوں شیشے لئے پرو نی
میرے کنڈلاں ءچ پھاہیاں اوہدے نیناں وچ چور نی
ماہی گھر آیا راتاں ہور دیاں ہور نی
ماہی میرا چند تے میں بن گئی چکور نی
سون دا مہینہ، پیندی ٹھنڈی جہی پھوہار نی
ہور گوڑہا ہویا ساڈے نیناں دا خمار نی
ٹھلھیا نہ جاوے، ساڈے ہاسیاں دا شور نی
ماہی گھر آیا راتاں ہور دیاں ہور نی
ماہی میرا چند تے میں بن گئی چکور نی
کھل کھل پین میرے بجھے بجھے وال نی
سانبھ سانبھ رکھاں، ہتھاں گوریاں دے نال نی
مہندی والے پیراں وچ کاہلی کاہلی تور نی
ماہی گھر آیا راتاں ہور دیاں ہور نی
ماہی میرا چند تے میں بن گئی چکور نی
ویہڑے وِچ رونقاں، بازاراں وِچ رونقاں
پھُلاں نال لدیاں شنگاراں نال رونقاں
نورؔپوری انگ انگ وِچ نواں شور نی
ماہی گھر آیا راتاں ہور دیاں ہور نی
ماہی میرا چند تے میں بن گئی چکور نی
نند لال نورپوری
