جوگی پیر فقیر تے سادھو اِک پاسے
اوہدی اکھ دا کالا جادو اک پاسے
سورج چن ستارے سارے اپنی تھاں
اوس تلی تے دھریا جگنو اک پاسے
انج چڑھدی اے اوہدی اکھ چوں پیتی ہوئی
رہ جاندے نیں دارو وارو اک پاسے
اوس کُڑی دا جُثہ جد دا پڑھیا اے
دھر دِتے نیں بُلھا باہو اک پاسے
سارے سُر سنگیت نیں میثم دوجی تھاں
یارا اس پازیب دا گھنگھرو اک پاسے
میثم علی آغا
No comments:
Post a Comment
Note: only a member of this blog may post a comment.