میں کچجی، چج دے بارے سوچدی سی
کل دی بیٹھی، اج دے بارے سوچدی سی
میں بجلی دی کڑک توں کنا ڈردی سی
بدلاں دی گج وج دے بارے سوچدی سی
ہان دیاں جد ہان ملا کےکھڑدیاں سن
میں پگاں دی لج دے بارے سوچدی سی
مائی لوہارن پاٹے لیڑے پا ٹرنا
تے میں اس ننگ دے کج دے بارے سوچدی سی
اک ویلے دی کھا کے سوچ سی اگلے دی
بھکی دنیا رج دے بارے سوچدی سی
کنکاں، پوہلی، جودری، جوں سب ویکھے توں
میں مائی دے چھج دے بارے سوچدی سی
آنڈ گوانڈوں چاندی چمکے زلفاں دی
تے کملی دنیا حج دے بارے سوچدی سی
کھلی تلی نوں مجرم کر کے بہہ گیا اے
کرسی بیٹھے جج دے بارے سوچدی سی
فرح گوندل
No comments:
Post a Comment
Note: only a member of this blog may post a comment.