سہارا جس کسے دا وی مینوں درکار سی چُپ سی
جہڑا وی پیار سی دلدار سی غمخوار سی چپ سی
کہانی ودھ رہی سی آخری منزل وکھاون ول
اوہدے وچ اوہ جہڑا اک مرکزی کردار سی چپ سی
اُیڈیکن ہار سن منزل دے جانوں بولدے رستے
پر اوہناں وچ جو ساڈے لئی ذرا دُشوار سی چپ سی
گواہی دے رہی سی ساری پرہیا بے گناہی دی
جیہدا نہ بولنا اس وقت ساڈی ہار سی چپ سی
نکے جئے چُوٹھ نے اوہدے لباں توں لفظ انج کھوئے
گئے سمیاں چہ انتاں دا جو خوش گفتار سی چپ سی
اِکو انجام سی چاہت دے ہر ناکام قصے دا
وفا دی مرثیہ خوانی توں دل بیزار سی چپ سی
نویں لوکاں نویں بولی چہ میتھوں واقفی منگی
پرانے شہر وچ میرا جو واقف کار سی چپ سی
ہنگارا وی نہ بھریا اوس نے میری کہانی تے
حقیقت وچ میرے دُکھ دا جو زمے دار سی چپ سی
زمانے میرے مُکھ توں پڑھ لئیاں سن میریاں خبراں
تے بشریٰ ناز جویں میں کوئی اخبار سی چپ سی
بشریٰ ناز
No comments:
Post a Comment
Note: only a member of this blog may post a comment.