بھار غماں دا ڈھون نئیں دیندے
اکھیاں نوں ہن رون نئیں دیندے
لیپا پوچی لائی رکھنے آں
کچے کوٹھے چون نئیں دیندے
یار! وچھوڑا جین نئیں دیندا
سدھراں دے دکھ مون نئیں دیندے
توں تے خاب سجا لیے جھلیا
ساہنوں طعنے سون نئیں دیندے
ریجاں نال پکھیرو پالے
ایسے لئی تے کوہن نئیں دیندے
پنڈ دے یارا لوکی بھیڑے
سانوں نال کھلون نئیں دیندے
اُہدا حق نئیں کھادا ارشد
اپنا اہنوں کھون نئیں دیندے
ارشد محمود
No comments:
Post a Comment
Note: only a member of this blog may post a comment.