اپنیاں لوڑاں گاؤندے پھِردے
لوکی شہر وساؤندے پھِردے
رُکھاں ہیٹھ کُہاڑے چمکن
پنچھی جان بچاؤندے پھردے
اج وی حق دے نعرے لا کے
جھلے، جھلی پاؤندے پھردے
بھکھے طوطے پنجرے پے کے
مِٹھو میاں کہاؤندے پھردے
دل نوں کرچی کرچی کر کے
متر لُڈیاں پاؤندے پھردے
قمر فجر نوں مار کلاوے
نھیرے اج ڈراؤندے پھردے
شوکت علی قمر
No comments:
Post a Comment
Note: only a member of this blog may post a comment.