گل نوں ٹھپاں یا بھڑکاواں میری مرضی
اگ لاواں، یا مٹی پاواں، میری مرضی
انھے بندے کولوں شہر دا رستہ پُچھاں
یاں بولہے نوں شعر سناواں میری مرضی
اوہنے منتاں ترلے کر کر مینوں سَدیا
ہُن میں جاواں یا نہ جاواں میری مرضی
جیہدے کولوں دھوکا کھاہدا جان کے پہلاں
فیر اوہدے توں دھوکا کھاواں میری مرضی
ڈھاہاں مار کے روؤاں اوہدے جان دا سن کے
یاں فر بشریٰ لڈیاں پاواں میری مرضی
بشریٰ ناز
No comments:
Post a Comment
Note: only a member of this blog may post a comment.