سائیاں میریا سائیاں
سائیاں میریا سائیاں
لائیاں تُدھ نال لائیاں
ونگاں نیں چڑھوائیاں
مینوں ہونڑ ودھائیاں
تیرے در تے آئی آں
اکھاں نیں شر مائیاں
پلے نہیں کمائیاں
عمراں رول ہنڈائیاں
سائیاں میریا سائیاں
سدھے سدھے رستے
دسدے مینوں اوکھے
جان پئی اے جوکھے
پنڈاں سر تے چائیاں
سائیاں میریا سائیاں
گلاں دل وچ لکیاں
ساریاں توہیوں بجھیاں
او بھی تینوں سجھیاں
اجے خیال نہ آئیاں
سائیاں میریا سائیاں
معظمہ تنویر
No comments:
Post a Comment
Note: only a member of this blog may post a comment.