جِسراں دی درگاہواں نال پرِیت
ہوندی اے کُجھ ناواں نال پریت
توں ای ایہ گل ساہواں نوں سمجھا
تیتھوں ودھ نہیں ساہواں نال پریت
تک لئے بندیاں دی نہیں کاواں دی
کاواں جہی اے کاواں نال پریت
دل وچ رکھی دے نہیں مارو تھل
ہووے جے دریاواں نال پریت
نہ پُچھ جِتھوں سجن لنگھدے ہون
کِنج ہوندی اے راہوں نال پریت
اج وی سمجن بوڑھ نوں ماواں وانگ
جِہناں نوں اے چھاواں نال پریت
سندھو بچیاں کئی گناہواں توں
رکھ کے کُجھ گُناہواں نال پریت
ارشاد سندھو
No comments:
Post a Comment
Note: only a member of this blog may post a comment.