گلاں دے نل گلاں جوڑی جاندی اے
لڑیاں دِلوں محبت تھوڑی جاندی اے
ہوورے کِنے شک دا بھانبھڑ لایا اے
غصے دے وِچ بھانڈے توڑی جاندی اے
شعر پڑھن دا چج تے ہے نئیں پاگل نُوں
عینک والی اتھراں روڑھی جاندی اے
جھلیاں وانگوں چٹھیاں لبھدی پھردی اے
کگھیاں کانواں پچھے دوڑی جاندی اے
ربّا!! اینا پیسہ کِتھوں آوندا اے؟
اسماناں نوں کہڑی پوڑی جاندی اے
قصبے پنڈ دے لہو دے پیاسے بن گے نیں
مُڑ نہیں آوندی جہڑی جوڑی جاندی اے
عصمت ہورے کی او لکھنا نہیں چاہندی
کاغذ اتے کانے توڑی جاندی اے
عصمت اللہ سیکھو
No comments:
Post a Comment
Note: only a member of this blog may post a comment.