او دو جہان دا مالک ہے ساڈا رازق ہے ساڈا پالک ہے

 حمدیہ کلام

او دو جہان دا مالک ہے

ساڈا رازق ہے ساڈا پالک ہے

اسّاں نام لیوا ہیں اس رب دے

جیہڑا راز رکھیندا ہے سب دے

ساکوں آسرا ہے سائیں اوس رب دا

جیہڑا پیٹ پلیندا ہے سب دا

تُسّاں اوہنوں رب دا احسان ڈیکھو

ڈِتّا سوہنڑا ہِس قرآن ڈیکھو

وَل ایہہ پیارا مہمان ڈیکھو

جیکوں آدھے ہِن رمضان ڈیکھو

ڈیکھو پاک پیغمبر دی شریعت

وَل سِیرت تے ایمان ڈیکھو

تُسّاں نیویاں کانڑ زکٰوة ڈیکھو

وَل حج تے صوم صلٰوۃ ڈیکھو

ڈیکھو پاک نبی دا فرمایا

کر پورا تُوں حق، ہمسایہ

کر خدمت بندیا پیو ماں دی

کوئی مثل نہویں ایہہ چھاں دی

کر لوکاں نال تُوں پیار ودا

سوہنڑی عمر چن گزار ودا

جیکوں لوڑ ہووے کر پوری تُوں

گل بات تے جی حضوری تُوں

کر عملاں تے دھیان بندیا

چُھٹ ویسی اے جہان بندیا

وَل تُوں ہوسیں تے قبر ہوسی

ناں تیرے نال اے ٹبر ہوسی

عامر سہیل