پنجابی نعتیہ کلام
کیڈا سوہنا نام محمدﷺ دا اِس ناں دیاں رِیساں کون کرے
دو جگ تے سایہ رحمت دا ایہدی چھاں دیاں ریساں کون کرے
دھن بھاگ حلیمہؓ دائی دا،۔ مِلیا محبُوبﷺ خدائی دا
جدی گود اچ والی دو جگ دا اس ماں دیاں ریساں کون کرے
جو سوہنے نے فرمایا اے، اونہاں سُن کے سیس نوایا اے
ہن مثل محمدؐ عربی دے سجناں دیاں ریساں کون کرے
جو ہجر نبیؐ وچ روندیاں نیں بدیاں دے دفتر دھوندیاں نیں
اوہناں کرماں والیاں اکھیاں دے ہنجواں دیاں ریساں کون کرے
ہر ذرہ نور خزینہ اے،۔ شہراں چوں شہر مدینہﷺ اے
جِتھے روضہ کملی والے دا اس تھاں دیاں ریساں کون کرے
لکھ غزل قصیدے پڑھدا رہو گیتاں دیاں پَوڑیاں چڑھدا رہو
پر یار ظہوری سوہنے دیاں نعتاں دیاں ریساں کون کرے
محمد علی ظہوری
No comments:
Post a Comment
Note: only a member of this blog may post a comment.