پنجابی نعتیہ کلام
دنیا تے آیا کوئی تیریﷺ نہ مثال دا
میں لبھ کے لیاواں کتھوں سوہنا تیرےؐ نال دا
حُسن وی غلامی کرے، عشق تیراؐ پانی بھرے
چن سینہ چیر دیوے انگلی اشارہ کرے
جیہڑا اونہوںؐ ویکھے، پھرے دل نوں سنبھال دا
میں لبھ کے لیاواں کتھوں سوہنا تیرےؐ نال دا
تیریاںﷺ تے صفتاں دا کوئی وی حساب نئیں
توںؐ تے کتھے تیریاںؐ غلاماں دا جواب نئیں
حُوراں نوں تُوﷺ روپ ونڈیں حبشی بلالؓ دا
میں لبھ کے لیاواں کتھوں سوہنا تیرےؐ نال دا
پُچھ لے حدیث کولوں، پچھ لے قرآن توں
گلیاں مدینے دیاں ودھ نیں جہان توں
ایسا روضہ ویکھیا نہ کسے لجپال دا
میں لبھ کے لیاواں کتھوں سوہنا تیرےؐ نال دا
اسی کی ظہوری نالے ساڈا کی بیان اے
ساریاں توں وڈّا نعت خوان تے قرآن اے
سورتاں سیپارے رنگ سوہنےؐ دے جمال دا
میں لبھ کے لیاواں کتھوں سوہنا تیرےؐ نال دا
دنیا تے آیا کوئی تیریﷺ نہ مثال دا
میں لبھ کے لیاواں کتھوں سوہنا تیرےؐ نال دا
محمد علی ظہوری
No comments:
Post a Comment
Note: only a member of this blog may post a comment.