پنجابی نعتیہ کلام
کونین دے والیﷺ دا گھر بار بڑا سوہنا
سوہنے رب دے مدینے دا دربار بڑا سوہنا
اُنج مسجد نبویؐ دی ہر چیز نرالی اے
پر روضےؐ دے نال جُڑیا مینار بڑا سوہنا
صدیقؓ و عمرؓ عثماںؓ حیدرؓ دے میں صدقے جاں
میرے آقا کملی والےﷺ دا ہر یار بڑا سوہنا
جنہوں ویکھ کے اکھیاں دی کدی پیاس نہیں بُجھدی
اوس گنبدِ خضریٰ دا دیدار بڑا سوہنا
سب رستے مدینے دے سانوں جان تو ودھ پیارے
جیہڑا روضےؐ نوں جاؤندا اے بازار بڑا سوہنا
دنیا دیاں سفراں تو بندہ اک وی تے جاندا اے
پر سفر مدینے دا ہر بار بڑا سوہنا
میں صدقے ظہوری جاں امت دیاں لیکھاں تو
مِلیا ایس اُمت نوں غمخوارﷺ بڑا سوہنا
محمد علی ظہوری
No comments:
Post a Comment
Note: only a member of this blog may post a comment.