پنجابی نعتیہ کلام
ایتھے اج کملیؐ والے دا ذِکر اذکار ہووے گا
خدا شاہد، خدا دی شان دا اظہار ہووے گا
اوہنوں وچ حشر دے اللہ میرے نے بخش دیناں اے
جیہدے دل وچ محمدﷺ مصطفیٰؐ دا پیار ہووے گا
میرے آقاؐ! میرے مولیٰؐ! اوہ دن بختاں دا کد آؤنا اے
جدوں ایہہ غم دا مارا حاضرِ دربار ہووے گا
میں دیکھا قافلے جاندے تیرے دربار مدتاں توں
حکم میرے لئی طیبہ دا کد سرکارﷺ ہووے گا
یقیناً بزم دے اندر میری سرکارﷺ آئے نیں
پر نظراں والیاں نوں آپؐ دا دیدار ہووے گا
اے کملی والیاں کمی نوں وچ کملی دے کج لیناں
گرم جس دم حشر تے نشر دا بازار ہووے گا
نیازی خوف کی سانوں بھلا دوزخ دی گرمی دا
ساڈا کملی والاﷺ حشر دا مختار ہووے گا
عبدالستار نیازی
No comments:
Post a Comment
Note: only a member of this blog may post a comment.