پنجابی نعتیہ کلام
ایتھے دل نہیں لگدا یار!۔ چلیے شہر مدینے نوں
کرئیے روضے دا دیدار،۔ چلیے شہر مدینے نوں
سوہنے سوہنے کپڑے پا کے مانگ سجا کے سُرمہ پا کے
نالے کر کے ہار سنگھار،۔ چلیے شہر مدینے نوں
سبز گنبد مینار جا تکیے کھجیاں دے گلزار جے تکیے
تکیے طیبہ دے بازار،۔ چلیے شہر مدینے نوں
گل وچ عشق دی مالا پا کے دل وچ یار دا نقش جما کے
سارے ہو جاؤ تیار،۔ چلیے شہر مدینے نوں
طیبہ دیاں تے وکھریاں شاناں رہندیاں سانوں ہر دم تاہنگاں
آوے قسمت والا وار،۔ چلیے شہر مدینے نوں
عبدالستار نیازی
No comments:
Post a Comment
Note: only a member of this blog may post a comment.