پنجابی حمدیہ عارفانہ کلام
لکھاں صفت ثنا اُس رب دی
جنہوں ہر وڈیائی پھبدی
اوہو مالک ہے اسماناں
اوہو رہندا وِرد زباناں
بے رنگ ہو کے رنگ کھلارے
ہر شے وِچوں دے لشکارے
ایہہ جو سورج چن بنائے
امبر اکھیں خوب سجائے
اُچی تھاروں برفاں کھورے
دھرتی سینے دریا ٹورے
ہر شے وِچوں نظری آوے
اوہدا کوئی بھیت نہ پاوے
پانی تے تصویر اُلیکے
نقش بنائے نال سلیقے
ویکھو فن ایہ صورت گردا
وچ ہنیرے کم ایہ کردا
احمد جد کلی منہ کھولے
وِچوں اوہدی قدرت بولے
علی احمد گجراتی
No comments:
Post a Comment
Note: only a member of this blog may post a comment.