پنجابی نعتیہ عارفانہ کلام
سوچاں دے وچ ہر دم چھلکے نوری ساغر نعتاں دا
ساہنواں دی ہر شاخ تے لیکے ساوہ پَتر نعتاں دا
ایہدے پاروں عالم اندر رُت خزاں دی آؤندی نہیں
نگری نگری، محفل محفل، ہَسدا چیتر نعتاں دا
پاک علیؑ دا اک اک لمحہ نعت نبیؐ دی بنڑدا اے
پاک بتولؑ نے عمر گزاری پا کے زیور نعتاں دا
آقاؐ دی جو سیرت کولوں سوچ غذاواں پاندی اے
ایسی سوچ تے ولّوں کُھلدا اے در نعتاں دا
وِچ قرآن لبا دے ٹُردے دھرتی تے حسنینؑ سخی
اِسراں لگدا عرشاں اُتے چمکے اختر نعتاں دا
اپنی اپنی بولی اندر ہر شے نعتاں پڑھدی اے
اس کونین دا ذرہ ذرہ بنیا شاعر نعتاں دا
راتی خاب اِچ جنت اندر جِسلے جھاتی پائی میں
اپنے پورے جوبن تے سی نوری منظر نعتاں دا
پاک نبیؐ دی سیرت چمکے ہر اک پاک صحابیؓ چوں
ہر اک پاک صحابیؓ جگ تے بنیا پیکر نعتاں دا
عرشاں دی میں چھاویں بہ کے نعت نبیؐ دی کہنی ایں
میرے حصے آوے احمد اسراں لنگر نعتاں دا
علی احمد گجراتی
No comments:
Post a Comment
Note: only a member of this blog may post a comment.