نعتیہ عارفانہ کلام
لگیاں نے موجاں ہن لائی رکھیں سوہنیاﷺ
چنگے ہاں کے مندے ہاں، نبھائی رکھیں سوہنیا
آقاﷺ دے غلاماں دا میں ادنٰی غلام ہاں
لوکی کہندے خاص میں تے عاماں تووی عام ہاں
پردہ جے پایا اے تے پائی رکھیں سوہنیا
چنگے ہاں کے مندے ہاں، نبھائی رکھیں سوہنیا
لگیاں نے موجاں ہن لائی رکھیں سوہنیا
کسے نوں میں اپنا دکھڑا سنایا نہیں
تیرے بعدوں کسے مینوں سینے نال لایا نہیں
سینے نال لایا اے تے لائی رکھیں سوہنیا
چنگے ہاں کے مندے ہاں، نبھائی رکھیں سوہنیا
لگیاں نے موجاں ہن لائی رکھیں سوہنیا
حشر دیہاڑے جد عملاں نوں تولنا
شرم دے مارے میں تے کجھ وی نہیں بولنا
دامن وچ اپنے لُکائی رکھیں سوہنیا
چنگے ہاں کے مندے ہاں، نبھائی رکھیں سوہنیا
لگیاں نے موجاں ہن لائی رکھیں سوہنیا
ناں تیرا لے کے آقاﷺ شان میں وی پائی اے
تیرے ہتھ ڈور سائیاں آپے تُوں چڑھائی اے
تے چڑھی ہوئی گڈی نوں چڑھائی رکھیں سوہنیا
چنگے ہاں کے مندے ہاں، نبھائی رکھیں سوہنیا
لگیاں نے موجاں ہن لائی رکھیں سوہنیا
ناں تیرا لے کے آقاﷺ غلام سارے سجے نے
قسم خدا دی تُساںﷺ عیب سارے کجے نے
لُکے ہوئے عیباں نوں لکائی رکھیں سوہنیا
چنگے ہاں کے مندے ہاں، نبھائی رکھیں سوہنیا
لگیاں نے موجاں ہن لائی رکھیں سوہنیا
ضیاء تیری آل دا ادنٰی غلام اے
ایدھے نالوں ودھ ہور لینا کی انعام اے
بنیا غلام میں بنائی رکھی سوہنیا
چنگے ہاں کے مندے ہاں، نبھائی رکھی سوہنیا
لگیاں نے موجاں ہن لائی رکھیں سوہنیا
ضیاء ؟؟؟
No comments:
Post a Comment
Note: only a member of this blog may post a comment.